半島漁港/阿翁火鍋館 (南昌薈)

營業中

休息中

早前同朋友到位於南昌嘅半島漁港食晚飯。本身朋友話訂咗枱食半島都嚇親，講吓講吓先知係酒樓。點知啲嘢食質素唔錯。一行七個人叫咗唔少菜式，個個都飽到上心口。一蚊嘅燒鵝份量好多，表面燒得好香又唔燶，肉質嫩滑，完全唔係特價貨嘅貨色。薑蔥鵝腸啲鵝腸去油去得好乾淨，食落好爽口。牛腩煲啲牛腩肥瘦適中，咬落爽滑，加上唐芹同埋芫荽，食落特別惹味，連個湯底都好好飲。雖然我哋叫咗好多特價菜式，但部長同侍應冇黑面之餘仲服務好好。