小蟻人 甜品西餐 (已結業)

去厚福街覓食，發現咗一間甜品餐廳，晚餐有十款咁多，立即試下先！頭盤南瓜蘋果湯，味道甜絲絲，好順滑，湯裡有蘋果蓉，食落好清爽主菜瑞典豬肉丸、煙肉依雲士汁配扁意粉，豬肉丸混入大量香草，肉汁吸收哂香草味，提升肉味！扁意粉煮得軟硬適中，拌入香濃煙肉依雲士汁，菇味夠哂突出！食飽飽，加番杯藍莓柚子沙冰，柚子味較重，充滿果香味，好滿足啊！最後仲驚喜！原來有幸運輪玩㗎！轉到3折優惠！ 哈哈哈！今次真係夠哂Fun！p.s. 想玩幸運輪係有要求㗎！上FB讚完仲要打咭同upload食物相㗎！