三木日本料理 (已結業)

勁差，極差! 漏單，甩單超嚴重，不會再去。8:30pm第一轉落order串燒，天婦羅，燒物。。。追左1個半鐘都冇出，問五次都話有入單，個半鐘只食左兩轉刺身，一個鍋仔，一碟仔炒菜，之後仲要俾個肥waitress串，話枱枱都冇出啦，唔係剩係你啲枱無出，好啦，咁我地再等啦，等多15分鐘，竟然同我講last order!我話：下，我第一轉入都未出就last order? 跟住仲叫我地再入過！😓下，我地等左1個鐘頭45分鐘，你叫我last order再落過？？最不好係是，中午打黎confirm booking時，話冇海膽，等食客唔好落order, 咁我又屎忽痕，叫個海膽手卷食下，之後見到後面張枱成排海膽軍艦，呢啲銷售手法唔得呀！總括：刺身，柚子雪糕是ok的，其他：蕃茄烏冬是凍的，麵豉湯得半碗，天婦羅凍的，串燒，燒物咸到條脷麻痺左，手卷超少料大舊飯，壽司唔好食，燒菠蘿好酸！漏單，甩單超嚴重，不會再去。