Burgerman (欽州街) (已結業)

位於深水埗欽州街呢間漢堡包店都算係一間老店，多年來屹立不倒一定有它的原因。呢度漢堡包種類非常之多，而且係標榜即叫即整，保持店舖一貫新鮮嘅作風。由於疫情關係所以今次我叫外賣。和牛漢堡，$90。可以算係呢度嘅招牌漢堡，標榜用純正嘅澳洲和牛製成，淡淡濃郁牛味，牛肉外層比醬爆芝士包圍，水乳交融，一拎上手肉汁滴唔停！包皮外層煎得好香脆，所以即食會更加美味。同好多其他burger店一樣，呢度加$20，就可以加配薯條同汽水。