La Paloma

營業中

休息中

慶祝特別日子，就梗系搵間氣氛優雅嘅餐廳食飯喇。系上環海旁影完相，就行左過黎西營盤呢邊，系間評語唔錯嘅#lapaloma  一嚐西班牙菜，正正位於西營盤地鐵站旁，唔洗周圍搵車搭。酸汁醃帶子配牛油果及香葱醬一字形排開帶子刺身，口感豐富，一來唔覺有雪藏味，肉身軟軟淋，個底仲有牛油果蓉，味道較輕盈，唔會蓋過帶子嘅鮮甜味，味道酸酸地，一流前菜。慢煮烤乳豬配椰菜仔及蘑菇 鍾意燒豬既必試!乳豬皮超香口，起肉起得好準確，豬皮脆如薯片，唔會覺得好硬，舊舊豬肉都好厚又juicy，食落好香好邪惡啊！牛頰肉配薯蓉佐長柄西蘭花及蘑菇五大舊疊成座山咁，切開見到有粉紅色，有少少驚生，但一入口，不得了，好淋，帶點肉汁！牛味香濃，點埋伴隨熱辣辣薯蓉，就更加惹味！巴斯克焦香芝士蛋糕配雜莓雪芭話明慶祝，點可以唔叫個甜品食，咁不得不讚呢個cake真係好食既，大件得黎唔會太膩，飯後甜品黎講一流。朱古力雪糕朱古力味都好香濃，但又唔會得個死甜。怕肥又想食甜品值得推薦！