影片
更多
2023-04-04
38 瀏覽
眾所周知九龍城以泰菜同牛肉餅聞名於世 但原來喺呢個國度入面有一間幾多人推薦以飛機海鮮貨做賣點嘅粥底海鮮蒸鍋.... “蟹仙“🤔 身為業餘海鮮控 等我打開呢個潘朵拉飛機海鮮的盒子🙃舖頭有唔同價位嘅海鮮套餐 平嘅一位四百幾到貴嘅千幾都有 身為夾心階層嘅我 揀中價$699嘅“刁鑽海鮮套餐“(見圖)係正常不過🙂 _____________▶️ 蟹皇海哲一個幾有心思嘅搭配 無味爽脆嘅海哲中和左濃味蟹黃嘅腻 香得黎又有口感 整體幾和諧 係一個唔錯嘅前菜👌🏻▶️ 瀨尿蝦 x 1 (凍食）上台嘅瀨尿蝦係冇膏嘅😆 (本人係瀨尿蝦無膏派系人士🙃) 有前臂甘上下大隻 肉係滿殼 緊緻唔鬆散 入口勁鮮甜 味蕾上嘅衝擊有驚豔到我！老闆話係要先凍後蒸先做到甘彈牙緊實嘅口感 講究👍🏻▶️ 黃膏肉蟹 x 1 🦀今日隻蟹係中等身材 非常健碩 唔係出面食到殼就L size..肉就S size嘅宿水貨👍🏻 肉係可以一梳一梳拆出黎 細緻鮮嫩 值得一試🙂▶️ 龍蝦 x 2 🦞 牡丹蝦 x 2 🦐 (二食: 蒸 + 刺身)二食係龍蝦餐嘅標配 刺身食到龍蝦最原始嘅爽脆口感 蒸可以食到龍蝦本身嘅鮮甜同肉嘅緊致彈牙～ 喺龍蝦呢個層面 本人係蒸派
舖頭有唔同價位嘅海鮮套餐 平嘅一位四百幾到貴嘅千幾都有 身為夾心階層嘅我 揀中價$699嘅“刁鑽海鮮套餐“(見圖)係正常不過🙂
_____________
▶️ 蟹皇海哲
一個幾有心思嘅搭配 無味爽脆嘅海哲中和左濃味蟹黃嘅腻 香得黎又有口感 整體幾和諧 係一個唔錯嘅前菜👌🏻
▶️ 瀨尿蝦 x 1 (凍食）
上台嘅瀨尿蝦係冇膏嘅😆 (本人係瀨尿蝦無膏派系人士🙃) 有前臂甘上下大隻 肉係滿殼 緊緻唔鬆散 入口勁鮮甜 味蕾上嘅衝擊有驚豔到我！老闆話係要先凍後蒸先做到甘彈牙緊實嘅口感 講究👍🏻
▶️ 黃膏肉蟹 x 1 🦀
今日隻蟹係中等身材 非常健碩 唔係出面食到殼就L size..肉就S size嘅宿水貨👍🏻 肉係可以一梳一梳拆出黎 細緻鮮嫩 值得一試🙂
▶️ 龍蝦 x 2 🦞 牡丹蝦 x 2 🦐 (二食: 蒸 + 刺身)
二食係龍蝦餐嘅標配 刺身食到龍蝦最原始嘅爽脆口感 蒸可以食到龍蝦本身嘅鮮甜同肉嘅緊致彈牙～ 喺龍蝦呢個層面 本人係蒸派嘅🙃 蒸煮 既唔會破壞肉質上嘅緊致 同時可以令鮮甜味更突出 係1+1>2既效果👍🏻
相比起龍蝦 刺身嘅牡丹蝦幾鮮甜 雖然肉質無熟嘅甘爽口 但牡丹蝦嘅話 我會投刺身一票！
▶️ 琵琶蝦 x 1
絕對係"我很醜 旦我很美味“界嘅一哥😆 同龍蝦相比 琵琶蝦嘅肉質會細膩柔軟啲 唔似龍蝦肉果種爽彈甘粗暴 蝦膏味濃郁得黎唔苦 鮮味上同龍蝦不相伯仲 幾特別👍🏻
▶️ 南非鮑魚 珍珠蠔 月亮貝 x 2 🦪
鮑魚上台前已經去曬內臟 洗到白雪雪 入口好軟嫩 一啲都唔韌 鮑魚味足 好食🥰
珍珠蠔去殼上 熟左之後微微縮水 但都仲好飽滿 咬開勁多汁 一啲都唔腥 唔錯👍🏻
月亮貝入口會爆汁 相比之下海水味較重 建議怕鹹嘅朋友可以揀大元貝/刀貝蚌🙃
▶️ 海鮮粥 🍲
呢個粥係用食剩嘅龍蝦殼同豬骨去煮 店員仲會拆埋殼入面僅餘嘅肉落個粥到 一啲都唔浪費👍🏻 個粥入口仲有飯嘅顆粒感 有淡淡嘅海鮮味 因為完全無調味嘅關係 建議配埋菜脯一齊食 唔止增加口感 菜脯嘅鹹會帶出粥嘅甜味 一舉兩得👍🏻
▶️ 椰汁燉燕窩
以為甜品會係布丁 泡芙 雪糕嗰啲 估唔到係椰汁燉燕窩 有諴意😍 椰汁味好香 甜度啱啱好 每一羹都食到燕窩 都幾足料 作為收尾 大滿足😍
_____________
食後感📋：
最後埋單$1635 唔算平嫁 但海鮮嘅新鮮程度同質素係對得住呢個價👌🏻 與其平幾舊水食啲細隻到拆唔到肉/無甘新鮮嘅海鮮 不如對自己好啲 豪俾佢啦🙃
是日MVP: 瀨尿蝦 x 鮑魚 x 龍蝦 x 椰汁燉燕窩 😋
戴返頭盔先🪖 以上嘅食評只代表我今次嘅體驗 唔排除你會有一個不一樣嘅感受🙃
非專業評分 (滿分5⭐️)
賣相：⭐️⭐️⭐️⭐️
味道：⭐️⭐️⭐️⭐️
服務/環境：⭐️⭐️⭐️⭐️
回頭率：⭐️⭐️⭐️⭐️
張貼
