潮藝館

營業中

休息中

白色情人節大家都去食西餐，我哋就反而到而行去試吓潮州菜，但係呢間潮州菜一啲都唔失禮，菜式同服務都好好，係一個好好嘅用餐體驗！蟹肉翡翠羹 一開始服務員就端上呢兩碗蟹肉翡翠羹，湯羹黏稠，裏面有少少蔬菜同埋蟹肉，食落好暖胃，最適合呢種涼涼地嘅天氣！鹵水鵝片滷水鵝片鵝肉好實淨，而且每一片滷肉都好入味應該都滷左一段頗長時間先會做到呢個效果，可見係用心花時間去製作嘅！普寧炸豆腐呢個豆腐同以往食嘅豆腐好唔一樣，平時啲豆腐都係成嚿軟腍腍，但係呢一隻就係有少少煙煙韌韌嘅質感，再加上外皮炸過，所以佢有少少脆脆地，口感幾特別！碧綠川椒雞雞肉有少少辣味同鹹味，食落好惹味！喜歡重口味嘅必試！最特別係佢半碟有一啲脆脆地嘅紫菜，食落去感覺好Refreshing ！蠔仔肉碎泡飯呢個泡飯一絕，蠔仔新鮮，肉碎肥瘦適中，最重要係個泡飯湯底好鮮味，算係我食過最好味嘅泡飯啦！燕麥一口薯最後再嚟一個甜品，一口薯甜甜嘅，我曾燕麥鬆脆，雖然睇落好簡單，但係呢個塔配又出奇地match喎！