四點金飯店

營業中

休息中

今晚唔想煮晚餐，所以我們就到屋企附近食晚飯。 見到呢一間有晚市孖寶，價錢幾抵食。金銀蒜蒸斑頭腩魚嘅份量好多，有鮮味。啖啖肉，又唔會話太多骨。下面鋪住嘅粉絲吸收晒蒜蓉同魚嘅味道，就咁食好正，我覺得如果用來撈白飯都好好食。魚腐上湯浸時蔬魚腐有新鮮嘅魚味道，我點有少少煙韌口感。上面有好多芹菜拌味，感覺清新。依個菜清清淡淡，又唔會油膩，健康之選。排骨燜煮春菜排骨燜到好林，最鍾意食上邊嘅炸蒜，春菜其實有啲似菜芯。福果清心丸豆爽潮州糖水最鍾意食清心丸，配上綠豆清熱。呢個糖水唔會太甜，美中不足佢得熱食，如果有得選擇凍食我一定會選擇凍糖水。餐廳裝修好有特色有懷舊風味。