潮州邨 (已結業)

上個禮拜六同女友諗住去食潮州邨，去到謝斐道見到已經唔係潮州邨，之後好彩喺銀包搵番之前事頭婆俾嘅禮物（卡片），打個電話去碰碰運氣，好彩佢地無轉電話，原來原本喺謝斐道嘅嗰間潮州邨，已經搬左去銅鑼灣廣場一期六樓，地方大左勁多，食物款式比以前嗰間多好多，價錢又無乜大改變，而且仲抵食左，我地點左一個金華四蔬，有啲金華火腿喺面頭，下面有四款蔬菜，其中有啲瓜係心形，真係有心思，之後我地點左海參鵝掌，一位只係＄５５，勁抵食，鵝掌夠入味，海參又夠霖，讚！仲有女友一向摯愛嘅鹵水鵝肝，味道依然係無得彈！