影片
更多
2024-08-07
466 瀏覽
琴日同朋友經過太子，見到有間田記魚蛋牛腩專門店。印象中油麻地碧街都有一間，次次經過都覺得好香，但都無時間試。一向酷愛潮州粉麵嘅我就決定拉埋朋友入去試下。鋪頭裏面冷氣好足，幾乾淨，唔會有果種黏笠嘅感覺。樓面姐姐都好主動幫我地落單。餐牌上面有標示邊D係招牌菜，於是我就叫左碗崩沙腩米粉（蘿蔔轉菜）加色，朋友叫左魚三寶河加紫菜。飲品就分別係凍奶茶走甜同埋凍檸茶少甜。野飲最快到，奶茶絕對值得一讚，茶底夠濃、好厚，亦都唔會因為煲左一日而入口好苦好老。所以呢杯走甜我飲得好舒服，大推！崩沙腩果然係招牌菜，每一件腩嘅肉、筋、油嘅分層都好均勻。食入口非常香，夠濃味，都炆得好適中，唔需要好花力氣咀嚼。基本上食一兩舊，成個口都好重牛味，比起一般瘦腩嘅肉味，多左層次感。配埋佢個辣椒油，又惹味又開胃！魚三寶裏面，魚蛋最出色。完全食得出魚味，爽彈，唔會係溝左好多粉嘅感覺。成碗麵出奇地同紫菜好夾！我朋友湯都飲埋！清清地都食得好舒服，唔會話好重味精好口渴。朋友最後追加左一份牛三寶淨食！牛腩固然會同崩沙腩比下去，但唔鍾意油膩感咁重嘅其實都好啱食！因為好有肉香，口感都幾好，唔會好似煲湯瘦肉咁。最鍾意就係牛肚！每一塊都係金錢
鋪頭裏面冷氣好足，幾乾淨，唔會有果種黏笠嘅感覺。樓面姐姐都好主動幫我地落單。餐牌上面有標示邊D係招牌菜，於是我就叫左碗崩沙腩米粉（蘿蔔轉菜）加色，朋友叫左魚三寶河加紫菜。飲品就分別係凍奶茶走甜同埋凍檸茶少甜。
野飲最快到，奶茶絕對值得一讚，茶底夠濃、好厚，亦都唔會因為煲左一日而入口好苦好老。所以呢杯走甜我飲得好舒服，大推！
崩沙腩果然係招牌菜，每一件腩嘅肉、筋、油嘅分層都好均勻。食入口非常香，夠濃味，都炆得好適中，唔需要好花力氣咀嚼。基本上食一兩舊，成個口都好重牛味，比起一般瘦腩嘅肉味，多左層次感。配埋佢個辣椒油，又惹味又開胃！
魚三寶裏面，魚蛋最出色。完全食得出魚味，爽彈，唔會係溝左好多粉嘅感覺。成碗麵出奇地同紫菜好夾！我朋友湯都飲埋！清清地都食得好舒服，唔會話好重味精好口渴。
朋友最後追加左一份牛三寶淨食！牛腩固然會同崩沙腩比下去，但唔鍾意油膩感咁重嘅其實都好啱食！因為好有肉香，口感都幾好，唔會好似煲湯瘦肉咁。最鍾意就係牛肚！每一塊都係金錢肚，同一般草肚實在唔一樣。味道大致相同，亦唔會有一種內臟嘅臭味或者雪味。牛筋反而幾驚喜，size偏大舊，而當中有腍，有爽，有硬嘅。三種口感都幾得意，加上膠質好豐富，會有漿住個口嘅感覺。
最後兩個人超額完成，全檯清曬，飽到上心口！絕對推薦大家一試！
張貼
