正潮樓

營業中

休息中

銅鑼灣正潮樓主打潮式海鮮，晚市套餐可選魚翅、燕窩、鮑魚或海參等名貴食材，走高格調的路線。飯前奉上功夫茶，提神醒腦兼有消滯功效。 厚菇焗鮑魚原隻鮑魚炆得入味，鮑魚肉質柔軟，鮮甜彈牙，醬汁提味剛好，用刀叉享用十分豪氣。厚菇炆海參海參炆得軟腍肉，吸滿醬汁，厚身軟滑富口感。滷水拼盤滷水食物是每次食潮州菜必叫，是次的滷水拼盤包括有鵝肉、豬大腸、豬紅及豆腐。滷水鵝皮薄，鵝肉嫩滑多汁，滷水色澤適中。豬大腸厚身有質感，豬紅不易散開，入味爽脆，滷水豆腐豆味香濃。魚露浸花甲魚露浸花甲比較少見，魚露的獨有鹹鮮味增添花甲的鮮甜味道。花甲新鮮無沙，入口滋味。方魚蠔仔粥潮州粥不似廣州粥的煮到開米花，反而近似湯飯，飯粒一粒粒完整的。蠔仔份量下得不少，細細粒脹卜卜的。