影片
更多
2006-07-24
11 瀏覽
一大班人同老友C(俗稱HL)補祝生日，同C由大學開始已認識，至今唔經唔覺已經超過十年。昔時同佢與數名損友一齊去落吧飲酒、睇靚女，宜家各人有美相伴。各人工作越來越繁重(尢其是我近年身體差咗好多，好多嘢唔食或者飲得，要減少好多傷身嘅嘢)，工餘大部份時間陪美伴。難得大家濟濟一堂，大聲講、大聲笑，一樂也。靚女律師E話想食潮州嘢，問道於我，我就提議德記。其實有幾間位於西區嘅潮州嘢都有唔錯嘅水準，德記門外經常大排長龍，自然有其致勝之道。我地共有十個人，叫咗以下菜式：1.鹵水鵝2.炸蠔餅3.胡椒豬肚湯4.明爐煮烏頭5.糖醋麵6.炒白菜仔7.海鮮煲8.炸子雞9.蝦棗併墨魚餅雖然食鹵水鵝仲未係時候，但呢味餸勝在鹵水夠味，鵝亦好入味，肉質也不韌，水準唔錯；炸蠔餅一碟疊成兩層，大大份好夠“派頭”。餅雖然厚身，但咬落入面唔會水汪汪，值得一讚；胡椒豬肚湯夠晒胡椒，飲落好暖胃，但係冬天飲比較合適，天時暑熱，飲到成身大汗；烏頭幾新鮮，肉質鮮甜，好快就食剩棚骨；蝦棗併墨魚餅係招牌菜，果然冇令我地失望，好香口，蝦肉配馬蹄，夠爽脆；墨魚餅好有咬口。雖然兩者都係煎炸嘢，但食落一啲都唔油膩，係我全晚最滿意嘅菜式；糖醋麵同炸子
1.鹵水鵝
2.炸蠔餅
3.胡椒豬肚湯
4.明爐煮烏頭
5.糖醋麵
6.炒白菜仔
7.海鮮煲
8.炸子雞
9.蝦棗併墨魚餅
雖然食鹵水鵝仲未係時候，但呢味餸勝在鹵水夠味，鵝亦好入味，肉質也不韌，水準唔錯；炸蠔餅一碟疊成兩層，大大份好夠“派頭”。餅雖然厚身，但咬落入面唔會水汪汪，值得一讚；胡椒豬肚湯夠晒胡椒，飲落好暖胃，但係冬天飲比較合適，天時暑熱，飲到成身大汗；烏頭幾新鮮，肉質鮮甜，好快就食剩棚骨；蝦棗併墨魚餅係招牌菜，果然冇令我地失望，好香口，蝦肉配馬蹄，夠爽脆；墨魚餅好有咬口。雖然兩者都係煎炸嘢，但食落一啲都唔油膩，係我全晚最滿意嘅菜式；糖醋麵同炸子雞就失色不少，糖醋麵太大塊，又煎得唔夠實，夾起就散晒，唔合格；有友人事前已提醒廚房要整熟啲炸子雞，但依然有部份仲未熟，實在唔掂，以後再嚟我都唔會點呢味菜。其餘炒白菜仔同海鮮煲比較普通，冇乜特別。最後，記緊要嗌鹹檸七，可以降火。
冷氣唔夠勁，人多時都幾悶熱。埋單八百蚊有找，幾抵食。
張貼