潮滋味

營業中

休息中

今天到沙田「石門」辦事，順便吃埋午餐，楝了嘗嘗潮洲特色小吃。幾個款式有得楝，我楝香茜牛腩腸粉、馬鮫魚丸湯、酸梅汁套餐。香茜牛腩腸粉，坑紋形的腸粉掛著牛腩汁吃頗好味道，如果喜歡香茜，可為平淡的腸粉添香氣，牛腩夠腍，但份量比較少。首次品嘗馬鮫魚丸湯，馬鮫魚丸肉質帶點兒爽，味道不錯，魚味却不重，我向女侍應生請教，原來是汕尾特別地道美食，據她說馬鮫魚丸是從汕尾打做好運來香港出售，並謂會有熟客向店鋪購買生的馬鮫魚丸回家享用，我多口問價錢是$100一磅。甜甜酸酸開胃的凍酸梅汁夠大杯，$58潮式午餐可以一試，有機會再到「石門」會再試埋其他潮洲特色小吃。