潮藝館

營業中

休息中

晚上到訪呢間餐廳，本身以為係食西餐，唔講唔知原來主打潮州菜，一入到去就見到個酒吧枱，夠曬新派。我哋好夜去都爆滿，果然好出名。Menu上有好多款式，我最鍾意係蠔仔肉碎泡飯，好清好好味，蠔仔唔細，搭配肉碎同魚乾，飯粒粒分明，一碗嘅份量都唔細。另外一款比較影響深刻嘅係金磚豆腐，一口一粒，外層個皮炸至金黃酥脆，豆腐滑嘟嘟，唔洗點咬就食到，大人小朋友都會鍾意。而餐廳嘅招牌當然唔少得獅頭鵝件，味道不錯，但肉質唔算好嫩，勝在滷得夠入味，算係咁啦。最後要埋個桂花糕，竟然完全唔甜，好難得，fit曬。