影片
更多
2019-03-23
1215 瀏覽
轉眼間，一個季度又差不多完結。好感恩，日子總算過得不錯，當中仍可跟朋友四圍去吃吃喝喝，對我這為食友而言已很滿足。 食自助餐好像已成為了生活的一部份，是夜又來到金域假日酒店開餐，又澳洲牛又鴨肝既主題，好對口胃。 吃Buffet的好處之一，真係唔使等齊人，大家可以慢慢食住等我。 話知佢做咩主題，有理無理先砌碟大堆頭凍海鮮。蟹腳、麵包蟹、龍蝦及生蠔固然是搶手貨。蟹包蟹好多羔，這兩次來的凍龍蝦水準回升，今時今日既我，就算即開生蠔多吸引，兩、三隻足夠了。 有時候，吃得太飽，會錯過燒牛肉的環節。既然今次以牛作主題，就改變策略，食左牛先。燒牛肉與威靈牛交替出場，我嚐了後者，酥皮做得酥脆，威靈頓牛最難就是控制火候，但這份牛的生熟程度則來得合意。 再進攻一系列牛肉與鴨肝的冷盤熱葷，包括韓式牛仔骨、黑椒牛肉片、鴨肝凍批、鴨肝白菌雞卷，同埋金菇肥牛卷等，食肉獸表示十分痛快！ 凡惠顧自助餐的食客，均獲大蝦拼和牛柳。大蝦肉爽，牛柳鬆化。 細食既我，嚐了如此多肉類，其實已飽得八八九九，飲多盅足料燉湯便好。一如以往的清甜，水準挺高的。 粉麵我是沒能力吃得下了，拿一碗淨菜倒是無妨，我真的清一大碗生菜啦！ 試了一點炒雪
轉眼間，一個季度又差不多完結。好感恩，日子總算過得不錯，當中仍可跟朋友四圍去吃吃喝喝，對我這為食友而言已很滿足。食自助餐好像已成為了生活的一部份，是夜又來到金域假日酒店開餐，又澳洲牛又鴨肝既主題，好對口胃。
吃Buffet的好處之一，真係唔使等齊人，大家可以慢慢食住等我。
話知佢做咩主題，有理無理先砌碟大堆頭凍海鮮。蟹腳、麵包蟹、龍蝦及生蠔固然是搶手貨。蟹包蟹好多羔，這兩次來的凍龍蝦水準回升，今時今日既我，就算即開生蠔多吸引，兩、三隻足夠了。
有時候，吃得太飽，會錯過燒牛肉的環節。既然今次以牛作主題，就改變策略，食左牛先。燒牛肉與威靈牛交替出場，我嚐了後者，酥皮做得酥脆，威靈頓牛最難就是控制火候，但這份牛的生熟程度則來得合意。
再進攻一系列牛肉與鴨肝的冷盤熱葷，包括韓式牛仔骨、黑椒牛肉片、鴨肝凍批、鴨肝白菌雞卷，同埋金菇肥牛卷等，食肉獸表示十分痛快！
凡惠顧自助餐的食客，均獲大蝦拼和牛柳。大蝦肉爽，牛柳鬆化。
細食既我，嚐了如此多肉類，其實已飽得八八九九，飲多盅足料燉湯便好。一如以往的清甜，水準挺高的。
粉麵我是沒能力吃得下了，拿一碗淨菜倒是無妨，我真的清一大碗生菜啦！
試了一點炒雪糕，再吞下少許蛋糕、拿破崙，飽足矣～
是咁的，凡於4月19-22日惠顧復活自助餐，4-11歲的小朋友更可免費參加復活節杯子蛋糕工作坊，大人小朋友都開心。
張貼
