梁慶記

營業中

休息中

餐廳喺澳門已經有百年歷史，主打手打竹昇麵，以鵝蛋製作再用人手用竹壓，至今已連續四年榮獲澳門米芝蓮街頭小食推介！店內環境唔大，座位之間距離較窄，但勝在乾淨同衛生。招牌蝦籽撈麵口感彈牙，冇鹼水味，帶淡淡蛋香氣，上面鋪滿蝦籽，旁邊附上湯汁同蠔油可以配住食，個人幾鍾意。另外私心推介街頭魚蛋麵，幼麵吸飽湯汁，魚蛋大粒且彈，性價比高。酸辣口味亦有供應，要咗個豬扒喇沙湯米粉試試，豬扒薄切容易咬開，湯底帶微微辣度十分開胃。飯類反而有驚喜，咖哩香濃惹味，雞扒嫩滑可口，飯夠軟糯，老少咸宜。小食方面都有幾多選擇，全部以籠仔上，迷你可愛，適合打卡。大大力推豬頸肉，入口滑溜，大塊又唔油、極上肥牛就正常發揮、雲吞皮薄身，餡料唔少，炸嘅更邪惡，值得一試。