影片
更多
2022-11-24
301 瀏覽
最近食過印象深刻嘅餐廳，便是主打鐵板燒嘅板神。餐廳喺香港設有三間分店，呢次到訪位於銅鑼灣佔地一萬四千平方呎嘅旗艦店，規模超誇張，裝潢有種低調嘅奢華感。然而喺呢個環境下用餐價錢卻完全唔貴，新推出嘅秋日自選晚餐都只係$980位就可以享用有海鮮有牛嘅豐富套餐，嘢食好味又可以欣賞師傅嘅功架，真係非常值得推介✨• 秋日自選晚餐 $980/位前菜三點有銀杏、柿乾忌廉芝士最中餅同無花果牛油果慕絲，擺盤好精緻，還有雞胸肉沙律，一啲都唔馬虎！第一款海鮮可以揀西班牙紅蝦或者北寄貝。淨係有得揀紅蝦呢點已經值回票價！紅蝦煎香後肉質好嫩，配以紅蝦膏煮成嘅極濃郁醬汁，細心咁配搭咗兩片多士用嚟點個汁食，每滴精華都奶得乾乾淨淨。北寄貝相對嚟講就冇咁濃味，偏向清甜嗰type，新鮮爽口，加入海苔清湯引出鮮甜🫶🏻第二款海鮮就可以揀龍蝦或者南非鮑魚。無論龍蝦定鮑魚都係新鮮度極高，上到檯面仲識郁！難得地鮑魚可以做到咁香口，好重海水味同牛油味，入口好Q彈，幾有Surprise！至於龍蝦個醬汁都好惹味，比起紅蝦肉質再爽身一啲😽嚟到肉類環節，小編同友人都愛食牛，不過想試多啲嘢最後都係揀咗牛同豬各一。美國牛肉薄燒以薄片牛肉卷住蔥花蒜片
• 秋日自選晚餐 $980/位
前菜三點有銀杏、柿乾忌廉芝士最中餅同無花果牛油果慕絲，擺盤好精緻，還有雞胸肉沙律，一啲都唔馬虎！
第一款海鮮可以揀西班牙紅蝦或者北寄貝。淨係有得揀紅蝦呢點已經值回票價！紅蝦煎香後肉質好嫩，配以紅蝦膏煮成嘅極濃郁醬汁，細心咁配搭咗兩片多士用嚟點個汁食，每滴精華都奶得乾乾淨淨。北寄貝相對嚟講就冇咁濃味，偏向清甜嗰type，新鮮爽口，加入海苔清湯引出鮮甜🫶🏻
第二款海鮮就可以揀龍蝦或者南非鮑魚。無論龍蝦定鮑魚都係新鮮度極高，上到檯面仲識郁！難得地鮑魚可以做到咁香口，好重海水味同牛油味，入口好Q彈，幾有Surprise！至於龍蝦個醬汁都好惹味，比起紅蝦肉質再爽身一啲😽
嚟到肉類環節，小編同友人都愛食牛，不過想試多啲嘢最後都係揀咗牛同豬各一。美國牛肉薄燒以薄片牛肉卷住蔥花蒜片，香氣十足。至於豬肉version嘅做法就係先炒香豬肉再以春卷皮包裏煎香，食落外脆內軟，兩者都各有特色，試勻曬唔會後悔🧡
主角食完，仲有鑊氣十足嘅炒飯。鐵板溫度夠，飯粒炒至乾身粒粒分明，加入小魚乾及高菜令味道唔會單調。甜品有餐廳隱藏菜單焦糖多士，非常香脆帶濃濃焦糖香氣，沾點雪糕又係另一番風，真係好滿足🥰
• 帆立貝 +$100
想食得豐富啲，可以再追加食材。帆立貝煎至兩面金黃，簡單調味已經好美味👯♀️
• 日本產牡蠣 +$100
大大隻生蠔煎到外層少少脆口，蠔味突出，配搭炒香咗嘅煙肉非常合襯，愛蠔人士絕對不能錯過😚
• 鵝肝 +$100
以Mini burger夾住超肥美鵝肝，一咬油香瞬即喺口腔中爆發🤤🤤
• 日本牛肉厚燒 +$330
使用熊本A5和牛，油花紋路均勻，嗰份油香令人一試難忘，幸福感爆燈🥰
張貼
