團日式拉麵

營業中

休息中

偶然路過荃灣一條窄街道，睇到一間食日本拉麵店鋪，門外好有日本拉麵鋪feel， 係自己用販賣機落單，橫掂有小小肚餓，試下部機，點個麵食。櫻花蝦拉麵 $88我比較鍾意食曲麵，彈牙啲，飲一啖湯底先，好濃厚嘅豬骨湯底味道，重有兩塊紫菜搭埋。其他店鋪只會畀一塊。溫泉蛋唔係一半，係有成隻啊，咬開流曬王，又夠蛋味；大蔥絲切得好幼細，兩片半肥瘦嘅叉燒，一啲都唔肥，入口即溶；櫻花蝦鹹鹹香香；加幾片竹筍，蔥粒，食得過。下次可以帶埋朋友嚟食。富士山梳打 $22甜甜酸酸嘅柚子蜜，加咗梳打水；梗係有啲氣啦。不錯不錯。佢哋好鬼馬嘅，電視機都係播緊日本卡通片。