影片
更多
2022-09-21
1923 瀏覽
去重慶大廈食咖哩好幾次，一般都會食到咁上下就食滯，印度咖哩大部份都係張香料蔬菜奶油等等煮到好濃縮，個薄餅又會好油；今次係完全冇咁既問題，廚師整得恰度好處。馬沙拿羊（Mutton Masala/燒羊肉咖哩）香料味唔算好重，食落好溫和，唔重辣味，汁既質感掛羹，羊肉已煮到骨肉分離非常之軟淋，整體味濃又唔會好咸，唔錯。牛油雞（特式香料雞）侍應推介牛油雞，佢係咁叫，我睇餐牌應該係特色香料雞，味道冇馬沙拿羊咁濃/辣味更輕，食落去比較輕，味道都唔錯，尾中不足既係佢用淨雞肉，如果用有骨既雞件應該會更好食。原味烤餅/蒜蓉烤餅NAAN一d都冇油膩感，食過好幾間都係偏油，呢度烤得幾乾身而唔會硬，略嚴蒜蓉味不足，點馬沙拿或者牛油雞個汁食岩岩好。牛肉 samosa饀料足，炸得好乾唔油，味道適中。下次有機會試下咖哩角，我相信一樣係做得咁好。Mango Lassi芒果乳酸飲落微甜有質感，食咖哩飲番杯零舍開胃。7E咖哩王唔係我食過最好食既印度餐廳，而係性價比最高既印度餐廳，家庭式小店，合理食物質素，經過openrice訂坐有7折，每人都係百幾蚊，值得推介比大家。可能今日係閒日，得幾枱客，有小情侶，有幾位女仕聚會又有印
馬沙拿羊（Mutton Masala/燒羊肉咖哩）
香料味唔算好重，食落好溫和，唔重辣味，汁既質感掛羹，羊肉已煮到骨肉分離非常之軟淋，整體味濃又唔會好咸，唔錯。
牛油雞（特式香料雞）
侍應推介牛油雞，佢係咁叫，我睇餐牌應該係特色香料雞，味道冇馬沙拿羊咁濃/辣味更輕，食落去比較輕，味道都唔錯，尾中不足既係佢用淨雞肉，如果用有骨既雞件應該會更好食。
原味烤餅/蒜蓉烤餅NAAN
一d都冇油膩感，食過好幾間都係偏油，呢度烤得幾乾身而唔會硬，略嚴蒜蓉味不足，點馬沙拿或者牛油雞個汁食岩岩好。
牛肉 samosa
饀料足，炸得好乾唔油，味道適中。下次有機會試下咖哩角，我相信一樣係做得咁好。
Mango Lassi芒果乳酸
飲落微甜有質感，食咖哩飲番杯零舍開胃。
7E咖哩王唔係我食過最好食既印度餐廳，而係性價比最高既印度餐廳，家庭式小店，合理食物質素，經過openrice訂坐有7折，每人都係百幾蚊，值得推介比大家。可能今日係閒日，得幾枱客，有小情侶，有幾位女仕聚會又有印度人幫襯；可以去試下，咁既價錢係尖沙咀去茶餐廳差唔多，鐘意食印度野不防一試！😊
呢間既咖哩香料味唔算好重，比較適合食唔到重香料味或者初試印度咖哩既人。
張貼
