魂 (已結業)

試咗個太極魂，既係墨魚汁配豬骨濃湯拉麵。配料有蟹膏，金萡，叉燒，紫菜同半隻蛋。首先講吓好野，基本配料蛋同紫菜都包埋，唔使加錢，個湯好濃好傑，可能係我見過最濃既湯底，麵量都足，起碼食完係飽肚的。彈就係舊叉燒，得一少塊，好似有啲少，另外我唔知係咪墨魚汁太多，覺得好似掩蓋咗豬骨味，大家都知墨魚汁基本上係冇味的，所以食落好係好淡咁。服務都尚算不錯，環境都幾好，以拉麵店唻講算闊落，食物中規中規，經過可以試吓，但就未必特登去食了。