大吉居酒屋 (已結業)

今日同朋友嚟到中環，揀咗一間樓上鋪居酒屋，位於蘭桂坊附近，翠華餐廳對面嘅一棟大廈。😆餐廳以日式裝修為主，播着柔和嘅歌曲，好適合慢慢同朋友談心，而且店員嘅服務質素好好，經常會為你斟茶，又有禮貌。三文魚加州卷 $148 三文魚好新鮮，入口即溶嘅感覺，配上面上嘅魚子，更顯口感，加州卷入邊有蟹柳，玉子，青瓜，再加上牛油果🥑，令到加州卷口感滑溜，而且牛油果嘅油香更能突顯三文魚嘅甘美。吞拿魚腩茸海膽卷 $198 面上嘅海膽好鮮味，同下層嘅吞拿魚腩茸好夾，壽司飯上再撒上一層芝麻，令到成個壽司飯團更香口。而且份量都唔吝嗇，刺身同壽司飯成一比一嘅比例🤤大蝦天婦羅 $178一上枱，就見到好精緻，孔雀開屏模樣，大蝦好鮮甜啖啖肉，外表粉皮薄得爽脆，蝦肉十分彈牙😭💕 經過店員提醒，原來開屏形狀係炸麵條，都可以食埋唔浪費😆赤味噌煮牛筋牛舌 $118面上有半隻糖心蛋，牛筋牛舌煮得非常入味好淋🤤 特別一讚，牛筋少少彈牙嘅感覺，似食緊骨膠原😆 燒日本芝士年糕 $58 一啖咬開，入面好軟熟，芝士餡就要爆出黎嘅感覺🤤汁燒魷魚筒 $98 魷魚食落好彈牙，燒得完全唔焦，配合上面燒汁，十分惹味🤤