番茄18

營業中

休息中

見到呢間番茄18主打蕃茄湯米線，啱曬我🤤有好多款唔同既配料既蕃茄米線可以揀，除左蕃茄湯米線之外，仲有其他湯底既特色米線～啱曬一班米線控～ 1️⃣招牌蕃茄湯米線 配牛乳炒蛋 配大汗雞扒（$59） 蕃茄湯入面有啲蕃茄蓉同蕃茄粒粒～蕃茄味香濃。大汗雞扒香辣惹味，中間雞扒肉質滑嫩～唔錯。  2⃣️水煮黑豚腩片湯米線（$59） 水煮湯底都幾辣🥵唔食得辣既記得要嗌少辣。黑豚腩片都有幾多片，辣辣地食得好爽！  3⃣️華田脆脆（跟餐+$14） 華田脆脆好耐冇飲過，面頭灑滿華田碎，好好味😋  4⃣️招牌木碎花生多士（$28） 多士烘脆曬～面頭鋪滿花生同餅碎，仲搽滿花生醬～勁邪惡但係好好味👍推薦大家要試下呢款小食！