暖心芝作

營業中

休息中

在太子食晚飯，醒起最近有間超火既暖心之作，立即openrice search個地址，見到22:00關門，立即同友人埋單去食甜品。 去到舖頭門口見到幾個人排隊，到我地既時候，肉眼見到既，已經得返芝麻丸同兩杯黑芝麻布甸，好在食到火既黑芝麻軟雪糕！ 正！正！正！真心推薦， 超級香濃既黑芝麻味道，唔算太甜，其實單單個黑芝麻雪糕已經夠滿足，雪糕上面仲唧咗D黑芝麻醬，好有心！真係暖心芝作！見到舖頭入面真的有個石磨機磨吓磨吓咁，成件事令人好感動！今次無緣食佢哋既芝麻糊同芝麻卷， 若有所失。 雪糕$25， 抵食！ 支持留港消費，支持用心既香港小店！必定會再來試其他黑芝麻食物。 離開時，見到好多人特登渣車去買雪糕。 果然火！