金鶴拉麵 (荷李活道) (已結業)

史上極濃雞白湯拉麵濃白雞湯果然比起其他拉麵湯濃，有少少似忌廉湯，令到每一啖麵都沾滿湯汁。有兩片雞肉，一片大過隻手既叉燒，1d都唔肥，但又唔係鞋肉，而係嫩滑腍既肉。仲配有木耳同蔥，令到口感層次豐富。溏心蛋半浸係湯，暖暖地食剛剛好。北海道極濃蟹湯拉麵 （期間限定）上菜就聞到好香蟹味，有成兩個湯勺咁多既蟹肉，對比濃白雞湯多左一股蟹既香氣，基本上每一啖都會有蟹肉碎。湯底比起極濃版本冇咁杰，不過味道依然濃。日式唐揚炸雞一客3件外脆內軟又多汁，有醃過，真係好好食。原本以為係碟邊個嗰啲係普通淮鹽，點知原來係一啲加咗類似梅粉嘅鹽，沾炸雞食，大大減輕左油膩感。其實仲有飯同串燒食，放工飲杯野可以黎嘆下。短短食麵嘅果半個鐘其間，有成4個送外賣餐既人入嚟攞單，果然好受歡迎。