影片
更多
2024-07-29
2158 瀏覽
講到尾，最受香港人歡迎的餐種，仍然係自助餐。這次大家Crazy Friday的聚會地點，經商議後，也鐵定在九龍東皇冠假日酒店食Buffet。Cold Cut、三文魚、芝士和沙律嗰啲唔多講，由凍海鮮開始，基本既蟹腳、凍蝦、青口、翡翠螺等自然不缺，仲有爆羔的麵包蟹，同埋港人至愛的生蠔供應。生蠔隻隻新鮮，但年紀大了真不能像後生時一打半打咁隊，淺嚐兩隻就好。講起，家陣很多星級酒店都已不再供應生蠔了，想吃的話，嚟呢度！平時食自助餐，或會跳過壽司及刺身類，但今次唔同，因為我見到有粉紅蝦刺身，所以又去拎一點。粉紅蝦肯定是好東西，其他的都好鮮美，特別欣賞帆立貝，與及油甘魚。起初來到，見每枱都放上了小火爐，都覺得好奇，原來品嚐自助餐，是會有甲羅燒，讓大家自行動手炮製。將鵪鶉蛋與蟹羔拌勻，烹煮四、五分鐘，香氣撲鼻，便可塗上香脆的多士上同吃。好味，好邪惡！另一重點係芝士焗龍蝦，聽到叮叮聲便可排隊出去拎。呢個做法，無乜可能會唔好食，這勝在肉質唔會過韌，但真係好飽肚。咪以為粉麵檔口可以略過，這兒的烏冬是超高質，木魚湯頭濃香可口，大概是我在自助餐嚐過最出色的湯底。當然，牛肉都好有質素，十分嫩滑。不愛烏冬的朋友，亦
講到尾，最受香港人歡迎的餐種，仍然係自助餐。這次大家Crazy Friday的聚會地點，經商議後，也鐵定在九龍東皇冠假日酒店食Buffet。
Cold Cut、三文魚、芝士和沙律嗰啲唔多講，由凍海鮮開始，基本既蟹腳、凍蝦、青口、翡翠螺等自然不缺，仲有爆羔的麵包蟹，同埋港人至愛的生蠔供應。生蠔隻隻新鮮，但年紀大了真不能像後生時一打半打咁隊，淺嚐兩隻就好。講起，家陣很多星級酒店都已不再供應生蠔了，想吃的話，嚟呢度！
平時食自助餐，或會跳過壽司及刺身類，但今次唔同，因為我見到有粉紅蝦刺身，所以又去拎一點。粉紅蝦肯定是好東西，其他的都好鮮美，特別欣賞帆立貝，與及油甘魚。
起初來到，見每枱都放上了小火爐，都覺得好奇，原來品嚐自助餐，是會有甲羅燒，讓大家自行動手炮製。將鵪鶉蛋與蟹羔拌勻，烹煮四、五分鐘，香氣撲鼻，便可塗上香脆的多士上同吃。好味，好邪惡！
另一重點係芝士焗龍蝦，聽到叮叮聲便可排隊出去拎。呢個做法，無乜可能會唔好食，這勝在肉質唔會過韌，但真係好飽肚。
咪以為粉麵檔口可以略過，這兒的烏冬是超高質，木魚湯頭濃香可口，大概是我在自助餐嚐過最出色的湯底。當然，牛肉都好有質素，十分嫩滑。不愛烏冬的朋友，亦可揀日式拉麵，甚至公仔麵。
熱食都有蠻多的海鮮選項，仲要日式居多，如日式醬燒帆立貝、鰻魚飯、燒鯖魚等。另外仲有蟹鉗、咖喱海鮮，但最深得我心的，要數到清蒸比目魚，調味非常之出色。
至於非海鮮類的熱食，我會推薦和牛粒，入口甘香嫩滑。羊架火侯控制唔錯，但幾有個性。娘惹醬燒牛腩幾有東南雪特色，忌廉雞肉唔怕嚡口，日式茄子燒非常有驚喜，連續吞下三粒才收手。
海南雞肉質嫩滑，記緊要拿三色醬去配撘。
估唔到呢度既甜品陣容都唔弱，幾款蛋糕都有啲水準，如提拉米蘇夠濕潤，藍莓芝士蛋糕香濃，拿破崙鬆脆，如果層次可以多番啲仲正。除此以外，日式布丁燒都好香滑，即制班戟更加係必吃項目。
恃住人多，有人拎齊八球雪糕回來，大家分甘同味。與相熟的朋友吃自助餐就可以如斯不拘小節。又飽到第二朝既早餐都可以慳番~
張貼
