醒 (已結業)

放lunch想醒醒神叉叉電，黎呢間小店就最岩啦! 餐廳主打飲品但都有適合上班族既早餐同午餐，東南亞fusion美食，非常新奇得意! 馬來沙爹雞肉串燒便當 首推必食既一定係呢個，因為真係馬來風味! 醬汁惹味同埋好鍾意佢有花生味同花生粒，撈飯一流。另外肉質嫩滑但都夠juicy，燒烤味好香又好味!喇沙意大利粉 用馬來喇沙湯黎炒意粉，非常新穎! D喇沙湯被意粉吸晒，味道夠濃郁，微辣又好香喇沙咖哩味。份量都非常足夠，配料就係喇沙既蝦，魚片，豆卜，雞蛋，蝦都幾彈牙! Iced 雪糕抹茶 Matcha float (floating island) 夏天飲最岩，又有雪糕食又有飲品，飲落好幼滑，抹茶味亦香，加埋雲呢拿雪糕，非常滿足。話梅鮮橙汁新鮮香甜帶微酸，非常健康。等緊食物既時候，老闆同我地講所有飲品都係自家製同入樽，連design樽身貼紙都係佢地自己做，睇到好有心為人打氣既心靈句子都即刻精神晒!芒果椰汁奇亞籽杯，好健康呀，口感好似椰汁西米露咁，上面仲有香甜既芒果蓉。