影片
更多
2023-01-21
183 瀏覽
之前見朋友大力推介！終於去咗朝聖啦！❤️ 餐廳面積頗大，分開兩邊用餐區，而座位都坐得幾舒服。另外一定要提係餐廳嘅壁畫牆，用黑白線條構成二次元空間，幾乎每個角落都係打卡位，好厲害好有趣呀！ 食物及飲品選擇都幾多，單單主菜已經有十多款，由意大利麵、意大利飯至扒類都有，餐廳亦有雞尾酒提供，而且賣相好靚好吸引！😉😉 阿根廷紅蝦刺身配蕃茄沙沙多士 （$138）紅蝦好大隻，蝦肉好鮮甜！配搭酸酸地嘅蕃茄出奇地幾夾喎，而且擺盤加咗食用花裝飾，充滿少女心。💖 澳洲肉眼扒配紅酒燒汁 （$268）牛扒幾大塊，揀咗5成熟，切落去果時以為佢會有啲韌，點知食落都幾腍，火喉控制得剛好，而且牛肉味好濃郁，nice! 🥰🥰 煎帶子龍蝦汁蟹籽意大利飯 （$158）三大粒煎到微脆嘅帶子鋪係飯上面，而蟹籽份量都唔少，意大利飯入面仲有菇同橄欖，加上飯粒比較硬身啲，成個組合口感幾好。😋 富士芝櫻祭 - 丸久小山園抹茶Tiramisu （$118）仿照富士山外型，加上山頂上小小嘅鳥居，非常可愛！濃郁綠茶味Tiramisu帶點回甘，配搭marscapone芝士一樣好夾，記得一定要加埋旁邊嘅朱古力脆脆，會令甜品多一個層次，大推呢個甜品呀
餐廳面積頗大，分開兩邊用餐區，而座位都坐得幾舒服。另外一定要提係餐廳嘅壁畫牆，用黑白線條構成二次元空間，幾乎每個角落都係打卡位，好厲害好有趣呀！
食物及飲品選擇都幾多，單單主菜已經有十多款，由意大利麵、意大利飯至扒類都有，餐廳亦有雞尾酒提供，而且賣相好靚好吸引！😉😉
阿根廷紅蝦刺身配蕃茄沙沙多士 （$138）
紅蝦好大隻，蝦肉好鮮甜！配搭酸酸地嘅蕃茄出奇地幾夾喎，而且擺盤加咗食用花裝飾，充滿少女心。💖
澳洲肉眼扒配紅酒燒汁 （$268）
牛扒幾大塊，揀咗5成熟，切落去果時以為佢會有啲韌，點知食落都幾腍，火喉控制得剛好，而且牛肉味好濃郁，nice! 🥰🥰
煎帶子龍蝦汁蟹籽意大利飯 （$158）
三大粒煎到微脆嘅帶子鋪係飯上面，而蟹籽份量都唔少，意大利飯入面仲有菇同橄欖，加上飯粒比較硬身啲，成個組合口感幾好。😋
富士芝櫻祭 - 丸久小山園抹茶Tiramisu （$118）
仿照富士山外型，加上山頂上小小嘅鳥居，非常可愛！濃郁綠茶味Tiramisu帶點回甘，配搭marscapone芝士一樣好夾，記得一定要加埋旁邊嘅朱古力脆脆，會令甜品多一個層次，大推呢個甜品呀！❤️❤️❤️
嚕嚕米 - 森之家 （$128）
呢個真係好igable，可愛森林蘑菇造型，蘑菇外殼由白朱古力製成，而菇身用草莓乳酪及果醬做，白朱古力雖甜但有清新嘅草莓乳酪中和番，個人好喜歡果醬，味道酸酸甜甜，令成個配搭加分。😉
Rose Sangria & Lychee Mojito （$78 each）
Rose Sangria用上百蘭地及紅酒，再加上玫瑰糖漿及果汁，整體玫瑰味好出，酸酸甜甜。而Lychee Mojito加入青檸同薄荷葉，成個感覺好清新。呢度嘅雞尾酒好大杯，而且味道仲唔錯，值得一試呀！😋😋
整體用餐體驗非常好，餐廳無論環境、食物都十分高質，而且每款食物擺盤都好靚、好igable，睇得出餐廳用心設計。呢度好適合同閨蜜打卡或者慶祝時嚟，絕對唔會失望。❤️👍
張貼
