尚青商號 (已搬遷) 新店位置

友人介紹呢間文青台灣菜肥蛋俾佢嘅裝修驚喜到，有濃濃台灣風味，另外店名「尚青」原來係台語「最新鮮」之意！餐廳分兩層，上層供客人享受食物，下層就係售賣台式飲品。上層原來有售買台灣嘅調味料同食材有機會解下思鄉之情星期六晏晝三點去，都全場坐滿人，兩位就等咗大約15分鐘，算幾快值得一讚係雖然員工非常繁忙，但服務態度依然親切。💛麻辣鴨血煲一人一鍋的鴨血煲簡直係肥蛋最愛，可以選擇配撘冬粉或者係白飯。上菜時店員會幫忙點燃固態酒精，鴨血煲就會喺你面前烚下烚下個感覺都幾得意。🥰台灣鴨血果然冇令人失望，食落去非常之嫩滑，而且冇怪味！煲內另配有香菇貢丸，蜂巢豆腐豆腐吸收晒啲麻辣湯，超級入味！ 麻辣鴨血煲湯底辣度剛好，唔會辣到舌頭麻晒👅👅一人煱分量女仔就剛剛好，如果男仔就要另外加小食會飽肚啲啦味道💛💛💛💛💛環境💛💛💛💛服務💛💛💛💛💛衛生💛💛💛💛性價比💛💛💛💛📍尚青商號🤍灣仔蘭杜街4號文熙大廈地舖💰人均消費～$100