Ask For Alonzo

營業中

休息中

早幾日同朋友去咗灣仔嗰間Ask For Alonzo 食dinner。呢間餐廳主打意大利菜，環境幾舒服，幾chill，服務又好，有啲意大利feel。我哋點咗兩份Dinner set。前菜有精選意大利凍肉同芝士拼盤，啲凍肉同芝士質素真係好高，味道濃郁，入口即化，好開胃。仲有羅馬肉丸，配埋蕃茄醬同巴馬臣芝士，肉丸嫩滑多汁，蕃茄醬酸酸甜甜，真係好夾。主菜方面，我哋揀咗大蝦盧筍意大利燉飯同意式烤乳豬。大蝦盧筍意大利燉飯用龍蝦忌廉湯醬煮，飯粒吸晒湯汁，鮮味十足。意式烤乳豬配薯蓉及蘑菇汁，乳豬皮脆肉嫩，薯蓉綿密，蘑菇汁香濃，真係無得頂。甜品方面，有幾款選, 我地揀佐Tiramisu同Cheesecake。Tiramisu層次分明，咖啡味濃郁，Cheesecake入口即溶，唔會太甜，完美收尾。飲品推介Campari Spritz同Prosecco，Campari Spritz清新醒胃，Prosecco氣泡細緻，兩杯都好啱做開胃餐酒。