昭和食堂

營業中

休息中

牛油帆立貝新鮮嘅帆立貝加上牛油香，仲要有個貝殼放喺上面，視覺同埋味覺都非常享受。白鱔佢串燒唔會烤到啲魚肉好腍，有少少爽口嘅感覺，仲要有埋魚皮，口感非常有層次。牛舌牛舌最怕就係好硬，但係佢呢個好有咬口之餘又口感啱啱好，而且加埋少少鹽燒，好有牛肉味。青椒仔青椒仔略為苦咗少少，但係呢度菜式唔係成日都有得食，都好特別。蕃茄三杯醋有醋味嘅蕃茄，加上蒜蓉嘅香味，作為開胃菜非常適合。鳥唐揚造型非常特別，而且拎上手食好方便，又唔怕整到隻手好油。蟹膏甲羅燒蟹膏係啱啱整到熱辣辣咁樣想點，配埋佢嘅魚乾一齊食，味道好夾，而且蟹膏非常濃郁，食過返尋味。魷魚明太子卷呢個明太子卷非常特別，佢嘅魷魚係好爽口，配埋明太子嘅香味，仲有青瓜嘅清爽，非常有層次。昭和海鮮卷一上碟已經被佢震撼到，滿滿嘅海膽加上吞拿魚肉，仲要有多種嘅魚類係壽司卷入邊，加埋三文魚子嘅口感，超豐富呀。吞拿魚鱈魚餅吞拿魚蓉加埋蔥嘅味道，而且有脆脆嘅鱈魚餅，作為開胃菜係一個唔錯嘅選擇。