影片
更多
2011-07-11
5 瀏覽
今日收工難得可以去行下街，喺諗黎諗去都唔知食乜0既時候，太太見倒間新越南餐廳，一於一試啦。地方唔係咁特別起眼，事關條街真係比較黑同少人行。入到餐廳見倒裝修比較新淨，應該係開左冇耐。就咁睇個餐單睇落一般越式餐廳有0既呢度都有，但由於是晚本人本唔係好肚餓，所以只嗌左個蕃茄濃湯生牛肉湯河，另同太太SHARE 一個炸雞翼。老實講我個人認為蕃茄湯+牛河並唔係太MATCH，但由於個人鍾情蕃茄，加上平時0既湯底可以話食厭，所以一於試下。如我所料個湯底+個生牛肉真係唔太MATCH，不過個湯底都算係好香蕃茄味(感覺上唔係齋落茄醬)，所以都好滿意，個湯我都飲得7788。至於個牛肉食到0既時候都變左半生熟，口感亦都算唔錯，起碼食落去唔係D 好CHEAP 0既貨色。不過份量其實都唔算細，所以食量唔大0既唔好叫太多野食。另外個炸雞翼雖然喺個湯河食到一半先黎(己經都幾飽下)，但係由於係新鮮炸起，第一口咬落雖然幾熱但係都好香口; 而且睇個顏色比較金黃，唔似由千年油所製，食落都放心D啦。順帶一提侍應(其實睇落似係老板)問個雞翼好唔好碎上(因為佢係雞全翼)，咁樣食起上黎都易D，都算係細心。不過呢個雞翼係有3隻全翼，所以
今日收工難得可以去行下街，喺諗黎諗去都唔知食乜0既時候，太太見倒間新越南餐廳，一於一試啦。
地方唔係咁特別起眼，事關條街真係比較黑同少人行。
入到餐廳見倒裝修比較新淨，應該係開左冇耐。
就咁睇個餐單睇落一般越式餐廳有0既呢度都有，但由於是晚本人本唔係好肚餓，所以只嗌左個蕃茄濃湯生牛肉湯河，另同太太SHARE 一個炸雞翼。
老實講我個人認為蕃茄湯+牛河並唔係太MATCH，但由於個人鍾情蕃茄，加上平時0既湯底可以話食厭，所以一於試下。
如我所料個湯底+個生牛肉真係唔太MATCH，不過個湯底都算係好香蕃茄味(感覺上唔係齋落茄醬)，所以都好滿意，個湯我都飲得7788。
至於個牛肉食到0既時候都變左半生熟，口感亦都算唔錯，起碼食落去唔係D 好CHEAP 0既貨色。不過份量其實都唔算細，所以食量唔大0既唔好叫太多野食。
另外個炸雞翼雖然喺個湯河食到一半先黎(己經都幾飽下)，但係由於係新鮮炸起，第一口咬落雖然幾熱但係都好香口; 而且睇個顏色比較金黃，唔似由千年油所製，食落都放心D啦。順帶一提侍應(其實睇落似係老板)問個雞翼好唔好碎上(因為佢係雞全翼)，咁樣食起上黎都易D，都算係細心。不過呢個雞翼係有3隻全翼，所以份量都唔細架。
埋單每人大概HKD75，唔算太平，不過可以算係物有所值，下次可以再試。
張貼
