喜記避風塘炒辣蟹 (謝斐道)

營業中

休息中

繼續同朋友食好西，今次朋友想食海鮮，好友提議去喜記灣仔元祖老店食避風塘炒辣蟹🦀😍朋友話喜記系灣仔已經系元祖級，出名食海鮮夠鑊氣夠新鮮夠氣氛，我就托他的福一齊去享用呢個盛宴今次我地點了：🦀招牌避風塘炒辣蟹 （特大蟹） 🐟青蒸海斑魚🦐椒鹽特大瀨尿蝦🥘避風塘粉絲蒸聖子皇🐚 䜴椒炒蜆🦀招牌避風塘炒辣蟹 （特大蟹） 果然名不虛傳，大蟹肉肥美、鮮嫩、新鮮，搭配滿滿炒得超香嘅炸蒜同埋香辣的避風塘醬汁，辣味十足好鬼惹味。🦐椒鹽特大瀨尿蝦炸得脆口，搭配椒鹽調味，香氣四溢，食落新鮮彈牙，我連殼都唔放過。🥘避風塘粉絲蒸聖子皇的粉絲好多，味道鮮甜可口，粉絲吸收了聖子皇的汁更惹味。🐟青蒸海斑魚青蒸火候剛好，肉質彈牙鮮味十足。🐚䜴椒炒蜆：新鮮，肉質鮮嫩，加上豉椒調味，鮮美十足。餐廳以中式古典裝修為主，配上燈籠好有氛圍感，我地飲飲食食，談天說地，又過了一個美好既一晚。