品粵居

營業中

休息中

在山頂行完山，坐車回到灣仔，正好是午飯時間。路過這間品粵居，見到下午茶兩點有八折，便直接入去坐低飲茶食點心。點了這裏招牌點心，包括：金邊品粵蝦餃，晶瑩的蝦餃皮上有條金邊，幾搶眼。蝦肉爽彈，皮薄餡靚。西施蟹肉餃蟹肉好飽滿，蟹子卜卜脆。品粵三色腸粉，腸皮軟滑又足料。黑金流沙包，奶黃唔算好澎湃，但熱辣辣好好食。原隻鮑魚燒賣，造型滿分。鮑魚爽彈，燒賣亦啖啖肉。精品棉花雞，豬皮蒸得好腍，吸晒冬菇啲香味。黑椒金錢肚，入味又爽口。奶黃兔仔餃，造型好可愛，滿滿的奶皇好香甜。楊枝甘露夠足料。整體來講，呢度主要做街坊生意，點心做得唔錯，而且都有造型，難怪下午茶都坐滿人。