影片
更多
2024-12-08
0 瀏覽
今日同屋企人提早食生日飯 之前食過呢間小菜都唔錯 所以今日encore紅燒斑頭腩 呢個都幾高質 係小食前菜嚟只係$99 但係都有幾多件斑頭腩 而且斑頭腩係即刻炸起 個脆漿唔會太厚 食落去仲係鬆脆香口 而魚肉係新鮮結實 個汁係甜甜地 不論送飯定當小食食都係唔錯嘅選擇石岐乳鴿紅燒乳鴿燒到好香脆 皮脆嫩滑 醃料味道剛剛好亦唔會太鹹 點上少少懷鹽喼汁 味道一流 另外其實呢度仲有鹽焗或者麻辣乳鴿 但係當日就賣曬 所以只能試到最Typical嘅紅燒乳鴿惹味小炒王 非常足料 有帶子蝦乾蝦仁腰果魷魚銀魚仔等等 有帶子鮮甜 蝦乾嘅鹹香 蝦仁嘅爽彈 腰果嘅香脆 魷魚嘅煙韌 銀魚仔嘅鬆香 當然仲有韭菜花嘅爽甜 幾種口感加埋另外我哋見到餐廳而家有做緊大閘蟹放題 個set仲可以揀食埋片皮鴨燉湯鴨掌鮑魚等等 好似大概五百蚊一個人都幾多嘢食 下次可以試下
紅燒斑頭腩 呢個都幾高質 係小食前菜嚟只係$99 但係都有幾多件斑頭腩 而且斑頭腩係即刻炸起 個脆漿唔會太厚 食落去仲係鬆脆香口 而魚肉係新鮮結實 個汁係甜甜地 不論送飯定當小食食都係唔錯嘅選擇
石岐乳鴿
紅燒乳鴿燒到好香脆 皮脆嫩滑 醃料味道剛剛好亦唔會太鹹 點上少少懷鹽喼汁 味道一流 另外其實呢度仲有鹽焗或者麻辣乳鴿 但係當日就賣曬 所以只能試到最Typical嘅紅燒乳鴿
惹味小炒王 非常足料 有帶子蝦乾蝦仁腰果魷魚銀魚仔等等 有帶子鮮甜 蝦乾嘅鹹香 蝦仁嘅爽彈 腰果嘅香脆 魷魚嘅煙韌 銀魚仔嘅鬆香 當然仲有韭菜花嘅爽甜 幾種口感加埋
另外我哋見到餐廳而家有做緊大閘蟹放題 個set仲可以揀食埋片皮鴨燉湯鴨掌鮑魚等等 好似大概五百蚊一個人都幾多嘢食 下次可以試下
張貼
