秋田火鍋海鮮丼浜燒專門店 (已結業)

尋日好同事生日，lunch time 一於食餐好～灣仔返工既我地其實有好多選擇，不過差唔多間間日本野都比我地食過哂，所以今次就搵間新而又未試過既餐廳！OPENRICE search 到呢間 " 秋田火鍋海鮮丼浜燒專門店" ，佢應該岩岩開無耐，位於 QRE Plaza 10樓 ，合和對面，好方便，公司行3分鐘就到。朋友就叫左個甜蝦蓉帆立貝三文籽丼！甜蝦蓉、帆立貝、三文籽既份量好多，幾乎滿瀉，而且非常新鮮 ，賣相極之吸引!跟餐仲有個蒸蛋、麵豉湯、沙律、小食、餐茶，好豐富呢。而我就因為病病地，唔想食生野，又唔想掃朋友興，所以叫左個壽喜鍋～壽喜鍋同樣出色，牛肉好鮮嫩，份量又多，而且湯底味道甜甜的，幾好飲。最後仲有個曲奇味雪糕，食完真係好滿足！！埋單每人 around HKD 150, 以灣仔區黎講，咁既價錢，食到D 咁高質素既 lunch 一D 都唔貴，好值得推介!!整體來說，地方舒服，環境靚，而且食物質素高，價錢合理，服務亦好，絕對值得再去！