惠 (已結業)

而家疫情嘅問題，飛機✈️運貨量少咗咁多，要食到新鮮好味😋嘅刺身的確係好難。但估唔到灣仔呢一間日本🇯🇵餐廳，刺身鮮味🤩十足，師傅話係會將時令嘅刺身新鮮運送到，果然誠意十足。而且餐廳環境充滿日本風🎏，感覺就好似置身日本旅行，有精緻嘅食物，舒適嘅環境，真係一流。茶碗蒸🥚每次食日本餐都係需要食嘅，因為我覺得自己喺屋企係整唔到嗰種滑嘅感覺，佢嘅茶碗蒸入邊材料好多，仲有海鮮嘅鮮味。深海池魚刺身🐟🐡，片片都係好均，廚師刀工非常好。呢個魚呢就配上左一個比較酸嘅醬汁，💯入面加咗少少蔥花，令到池魚嘅鮮甜更突出。鰤魚最🐟緊要就係夠肥美，佢嘅油脂分布好多，絕對係可以溶化喺舌尖之上，所以魚油都好香。最後一款都係我最鍾意😍嘅，本身個人就比較鍾意食海膽，所以都試過好多唔同嘅海膽，而北海道馬糞海膽係我嘅至愛💓，細細粒咁但係好鮮甜，海膽味道夠重，絕無其他奇怪味道。