影片
更多
2022-03-01
7335 瀏覽
好耐都冇去blacksheeprestaurants 旗下餐廳🤣疫情底下可以同知己朋友食上滿足一餐實在難得,紀錄返我之前一直好想去係灣仔嘅意大利餐廳 - associazionechianti 主題乃’Soulful Tuscan Trattoria’ 以意大利中部嘅大區Toscana嚟做主題,主打經典嘅意大利佛羅倫斯(乃位於Toscana嘅城市)菜式,並配上經典嘅意大利紅酒,當然包括了Chianti🍷(乃位於Toacana內嘅一個著名葡萄酒法定產區).($188)係入主題前-超巨型T-bone, 先吃上少許appetizer - 綿羊芝士配上百里香蜂蜜🍯芝士. Pecorino係用上綿羊奶做嘅硬質芝士, 質地同口感會同Parmesan芝士相似, 但口味相對較溫和,配上蜜糖啤梨🍐一咸一甜嘅口感竟然相當夾,估唔到除左有ham with melon呢個組合外,綿羊芝士同啤梨都做到呢個效果👏🏻.🌟($1488) 為左留肚/荷包食呢個鎮店之寶,同埋得兩個人,所以冇力再試pasta, 食完小前菜後直入呢個主題 - Beefsteak in Florentine style, Bistecca乃指
好耐都冇去blacksheeprestaurants 旗下餐廳🤣疫情底下可以同知己朋友食上滿足一餐實在難得,紀錄返我之前一直好想去係灣仔嘅意大利餐廳 - associazionechianti 主題乃’Soulful Tuscan Trattoria’ 以意大利中部嘅大區Toscana嚟做主題,主打經典嘅意大利佛羅倫斯(乃位於Toscana嘅城市)菜式,並配上經典嘅意大利紅酒,當然包括了Chianti🍷(乃位於Toacana內嘅一個著名葡萄酒法定產區).
121 瀏覽
0 讚好
0 留言
[Pecorino🐏🧀Al Fieno]($188)係入主題前-超巨型T-bone, 先吃上少許appetizer - 綿羊芝士配上百里香蜂蜜🍯芝士. Pecorino係用上綿羊奶做嘅硬質芝士, 質地同口感會同Parmesan芝士相似, 但口味相對較溫和,配上蜜糖啤梨🍐一咸一甜嘅口感竟然相當夾,估唔到除左有ham with melon呢個組合外,綿羊芝士同啤梨都做到呢個效果👏🏻
.
150 瀏覽
2 讚好
0 留言
76 瀏覽
0 讚好
0 留言
🌟[Bistecca alla Fiorentina🥩🐮]($1488) 為左留肚/荷包食呢個鎮店之寶,同埋得兩個人,所以冇力再試pasta, 食完小前菜後直入呢個主題 - Beefsteak in Florentine style, Bistecca乃指位於牛腰中央到肋骨部份位置,即是大家講嘅‘T-bone’, 餐廳用上USDA Super Prime Black Angus Beef, 12-14日dry aged, 店員會係你面前將大大件嘅T骨切件,塗上香草醬汁,據說‘佛羅倫斯大牛扒’早係14-15世紀文藝復興時期已經出現,傳統會用上名為Chianina嘅牛種,直接以像木頭烤熟,表面只加上鹽巴同欖欖油調味, 據說之後到左17/18世紀出現嘅Chianti酒區🍷都係為左配合Bistecca alla Fiorentina呢道菜式🤔
認真每一件肉都係超級厚🤤外面經風乾嘅焦香風味,入面則係粉嫩嘅肉質, 個人認為可以叫店員俾碟鹽你上面再加少少,食落更具肉味更滋味😋 而食肉扒,點可以唔叫上紅酒🍷, 係Tuscan主題餐廳裡食,梗係叫返杯Chianti紅酒(另外餐廳佈置都充滿以Chianti酒樽造成嘅蠟燭🕯️臺,非常有心思)Chianti酒主要特色乃高酸度,高單寧,配上🥩食不單能減低油膩感,更能提升兩者風味👍🏻
雖然話係二人份量,但個人覺得叫多一/兩個人食都仲得😅🤣
.
115 瀏覽
0 讚好
0 留言
89 瀏覽
0 讚好
0 留言
81 瀏覽
0 讚好
0 留言
🌟[Meringata]($128)縱使食到幾飽都好,永不要錯過甜品,因為往往都會有驚喜😍 甜品嚟講同塊T-bone一樣都係相當有份量🙀蛋白霜蛋糕,食落有啲似法式馬卡龍, 但又唔會過甜, 配上經典意大利甜酒 - [Vin Santo del Chianti Classico 2009]($218/杯) Vin Santo又名‘聖酒’, 乃將提子放在稻草/架上風乾,將其糖分同味道濃縮(之前有post介紹過😛) 此杯經陳年後酒色接近琥珀色,非常香濃嘅蜜糖,提子乾,焦糖味,味道濃郁香甜之餘亦有一定酸度平衡👍🏻
.
66 瀏覽
0 讚好
0 留言
[White Negroni $168]飲到唔夠喉最尾再叫上杯經典cocktail - Negroni, 但係呢款亦係創新嘅style, 摒棄了傳統嘅campari, 而改用上 Suze 一款較gentle 嘅liqueri, 係由一個英國bartender Wayne Collins 係2001年破格調出呢款風格較refreshing, gentle嘅Negroni, 作為餐後酒,少甜,微苦澀又帶點清爽非常不錯.
.
Blacksheep旗下嘅餐廳往往充滿主題特色,呢間亦不例外, 讓人完全沉醉於美食與美酒嘅時光, 不過個人覺得以佢扒嘅份量同價錢(稍為略貴覺得🤭)最好3/4個人嚟食會更好,可以叫到多啲野食,唔好一嚟就被個T骨打爆左🤣希望盡快可以同三五知己一起聚首一堂分享美食🙏🏻
張貼
