Bamboo Thai (朗豪坊)

營業中

休息中

見疫情稍為減退即刻要去旺角行街shopping，一出街人山人海，咁耐冇去戲院梗係睇返場戲先啦！Bamboo Thai 就喺戲院出入口，經過望到佢個Menu，就被巨型火山排骨贏了眼球！也算是新派泰菜館，環境裝修企理乾淨，最緊要空間感足夠一於坐低試吓。火山排骨 $98 我哋兩個人食一份細嘅就夠啦！味道酸辣很清新，香草味濃郁，充滿泰國風情，賣相形狀似火山，排骨 炆得非常入味，肉質軟腍，骨肉分離容易食，很好的推介！熱帶風情排骨食落都有啲辣，天氣又咁熱一於叫番杯夏威夷feel飲品先，mango hug 名副其實嘅擁抱芒果，芒果味道甜而且濃郁，淡淡香芒口感。香茅牛肉撈檬這裏的香茅牛肉值得一讚！醬汁很美味，牛肉入口柔軟，牛味濃郁，撈檬汁酸甜度適中，跟配菜和香蒜、辣椒粉撈在一起，吃得份外滋味。香茅雞肉炒飯澱粉質女孩一定要食飯，香茅香味突出，雞肉嫩滑有口感，炒飯粒粒飽滿，分量足夠二人食飽飽。楊枝甘露食到最後當然想試吓個精美甜品啦！冰凍的椰子雪葩，配上芒果、西米味道當然很搭配，最緊要芒果夠甜。白朱古力泡泡好似fusion的感覺，蜂巢脆糖增加口感。