影片
更多
2019-08-27
1098 瀏覽
由於工作太忙，所以求奇落街買啲嘢食算。見外賣app有炙呢間壽司舖，又近近哋就試下。喺app揀好哂食乜，要咗十件壽司，4件火炙三文魚($6)、一件蟹籽($5)、一件三文魚($5)、一件北寄貝($5)、一件虎蝦($8)、一件鵝肝($8)同一件火炙燒玉子($8)。較啱時間去到鋪頭就有得攞，十件整整齊齊放咗喺盒到。由於有人排隊買緊嘢，所以𥄫下雪櫃有乜嘢賣，見到有啲便當🍱、烏冬、冷麵賣，$3x細細份，唔多吸引。舖頭嘅牆就貼滿好多食物相同介紹，但環境麻麻，冷氣好弱主要靠風扇仔😅🥵，亦無幾多張枱，做外賣為主。舖頭得一個男仔一腳踢，但麻麻地友善，不過pack咗好多豉油wasabi俾我🤣。後尾發現炙同對面間極品刺身係過一集團👀🙊。返到office即刻開餐lu，食嚿炙燒三文魚先，err😓😓燒得有點過熟，而且無魚油香，又無沙律醬或芝士燒，完全0味道😑，食到尾好似有丁點腥。炙燒玉子亦係令人失望，無炙燒香，唔甜又薄。佢仲要成$8😡。但都未算最O咀，嚿鵝肝簡直令我無語，係我蠢後尾先發現有分灸燒鵝肝(貴啲)同普通，普通就係得一片好薄嘅白色未煎午餐肉咁，如果唔知自己叫咗乜真係看圖唔會識字。食完我都唔知食咗乜.....
由於工作太忙，所以求奇落街買啲嘢食算。見外賣app有炙呢間壽司舖，又近近哋就試下。喺app揀好哂食乜，要咗十件壽司，4件火炙三文魚($6)、一件蟹籽($5)、一件三文魚($5)、一件北寄貝($5)、一件虎蝦($8)、一件鵝肝($8)同一件火炙燒玉子($8)。
較啱時間去到鋪頭就有得攞，十件整整齊齊放咗喺盒到。由於有人排隊買緊嘢，所以𥄫下雪櫃有乜嘢賣，見到有啲便當🍱、烏冬、冷麵賣，$3x細細份，唔多吸引。舖頭嘅牆就貼滿好多食物相同介紹，但環境麻麻，冷氣好弱主要靠風扇仔😅🥵，亦無幾多張枱，做外賣為主。舖頭得一個男仔一腳踢，但麻麻地友善，不過pack咗好多豉油wasabi俾我🤣。後尾發現炙同對面間極品刺身係過一集團👀🙊。
返到office即刻開餐lu，食嚿炙燒三文魚先，err😓😓燒得有點過熟，而且無魚油香，又無沙律醬或芝士燒，完全0味道😑，食到尾好似有丁點腥。炙燒玉子亦係令人失望，無炙燒香，唔甜又薄。佢仲要成$8😡。但都未算最O咀，嚿鵝肝簡直令我無語，係我蠢後尾先發現有分灸燒鵝肝(貴啲)同普通，普通就係得一片好薄嘅白色未煎午餐肉咁，如果唔知自己叫咗乜真係看圖唔會識字。食完我都唔知食咗乜......
44 瀏覽
0 讚好
0 留言
至於其他壽司就正常嘅，正常三文魚好食過炙燒，而北寄貝就屬正常水平。但虎蝦🐯🦐就出奇哋幾鮮甜彈牙👍🏻，最好食就係蟹籽，一嚟係量多，二嚟係夠甜好爆醬，早知叫多幾嚿。另外想講講啲壽司飯，呢樣亦係我最唔鐘意嘅地方，比較硬，而且唔夠醋味🙅🏿♀️，近白飯嘅味道。
總括嚟講，我唔會再食，未到難食，但我覺得爭X都好食過佢......(你當我劣食吧)，而價錢只係一半(其實元X都差唔多價囉)。我用app買有優惠券就勉強ok，但無就試都唔會試囉🙅🏿♀️🙅🏿♀️🙅🏿♀️。
張貼
