友飯食 (已結業)

今日經過火炭區做嘢，感恩順利地提早做晒啲嘢，一於食個獎勵吓自己😆行過見到呢一間 「友飯食」 寫住下午茶都有做折扣，咁就想去幫襯吓先！ 第一次嚟到，見到個環境都好大好企理好舒服，唔似一般茶記咁，第一印象已經好好👍我哋兩個人叫咗兩份茶餐，吉列豬扒拼沙律，西多士跟凍檸茶。 好大份喎！ 🌟吉列豬扒拼雜果沙律個吉列豬扒好大份，炸得好脆，完全唔會太厚粉，沙津係我兒時最鍾意食嗰啲雜果沙律，滿滿嘅回憶出晒嚟，豬扒配埋沙律醬，完美滿分嘅配搭👍🌟西多士跟凍檸茶呢個係香港人解壓3點3，必備嘅item。 個西多士好大份，大過我手掌，上面配埋一嚿牛油再加埋糖漿，正！ 你再配埋凍檸茶，好香檸檬味😆整體嚟講呢間餐廳嘅質素都唔錯，全部都好正常發揮，最有驚喜嘅係份量好大，價錢又有折扣！ 抵食👍