心之食堂 (裝修中)

第一次呢間日本餐廳，見咁多好食評，就嚟試下🤔高科技點菜🤣汁燒牛肉飯（$48）牛肉腍，牛肉汁撈飯一流，細佬好鍾意🤣原條鰻魚石鍋飯（$118）鰻魚幾長，唔太厚唔太薄。石鍋燒住D飯仲係熱辣辣嘅好味😋心之火焰鐵板牛柳串（$88）好壯觀🤣牛肉幾腍，但係唔夠肥味😢邪惡包（$38）比想像中細份，但係咁嘅價錢有兩塊帶子刺身同埋一塊鵝肝仲想點🤪以為真係有塊包夾住，原來只係用紫菜。帶子刺身爽口新鮮，鵝肝腍🤤吞拿魚刺身 （$48）日本空運油甘魚刺身 （$68）肉係實嘅，新鮮👍🏻切得都幾大塊。胡麻番茄（$38）唔值呢個價錢，只係一舊細番茄加咗D胡麻醬味淋魚干（$88）比較細份，但燒得唔錯，唔會窿曬。厚燒牛舌心（$58）呢種屬於比較有口感有嚼頭嘅😋，唔係太厚。汁燒白鱔（$78）比較細件，但係味道都唔錯。鹽燒鯖魚（$58）燒得好味，魚肉都多油脂，好滑😋都幾大條日式炒野菜（$58）比想像中大碟，但係D椰菜唔夠腍😓日式煎餃子（$58）煎得唔夠脆🙁唔抵食鹽燒大啡菇（$48）好juicy🤤如果鍾意食菇嘅朋友要試試😉整體嚟講，食物質素以咁嘅價錢算唔錯。服務還可以改善💪🏻