Home Sweet Home (已結業)

週年紀念日，老同帶我去了太子的西餐廳食飯。豬手是餐廳推介菜之一，我見隔離幾枱都有食，所以都點了份試試，另外再加了一個海鮮拼盤及薄餅。海鮮拼盤生蠔、蜆、青口、蝦及麵包蟹，麵包蟹勁大隻，剩係蟹身都大隻過我手掌。生蠔體型中等，蠔肉不算厚，但有海水的味道，幾鮮甜。蝦肉爽口彈牙，肉質結實；麵包蟹蟹肉結實，蟹蓋充滿蟹膏，鮮甜可口。菠蘿芝士薄餅薄餅上舖上羽衣甘藍，麵包餅底比較鬆軟，加上大量芝士、橄欖及菠蘿，薄餅充滿芝士香味，但又有菠蘿的甜味，中和油膩感。德國咸豬手&燒薯&酸椰菜店員送上豬手後會點火再燒一燒豬手表面，令外皮更脆，之後會細心地幫忙切件，方便食用，豬皮鬆脆，肉質不會太乾，但比較十咸，薯仔連皮一起燒，比較煙韌。整體十分豐富，不過味道較濃，上菜就比較慢，但小店經營值得支持。