廿一前 (已結業)

平時打邊爐、雞煲放題，郁啲就二、三百幾蚊一位，今次就試間性價比高少少嘅，價錢唔係好貴，晚市六點後都只係198！先來前菜刺身拼盤一份，有三文魚、左口魚裙邊、赤貝、北寄貝等刺身，款式幾多淺嚐都ok。另外仲有一份泰式生蝦，估唔到打邊爐都仲有生蝦食。火鍋最重要係咩？係湯底！我哋今次就揀咗鴛鴦鍋—養生花膠雞湯及麻辣湯。雞湯好足料，不斷都夾到有花膠同雞肉，盆滿缽滿。另外麻辣湯辣得來又唔會攻鼻，啱我口味啊！當然配菜都好重要嘅，除咗基本肉類之外，個餐仲包送一個海鮮拼盤，有虎蝦、帶子同生蠔。自助餐區有唔同嘅食物同飲品可以揀，連各款芝士都有啊。但令我最驚喜嘅係串燒同炸物，除咗種類多之外，仲可以配搭唔同嘅醬汁，配搭出意想不到嘅效果，有啲喜出望外。其中雞腎、雞皮、雞軟骨都係我最愛，encore左兩三次啊！炸物嘅多春魚都唔可以錯過啊！總括而言，食物質素唔錯，環境舒服價錢又合理，CP值幾高！