新華記

營業中

休息中

呢日同朋友去新華記火鍋店打邊爐順便聚舊。問過間餐廳沒有用餐時限，方便慢慢飲下食下吹水。餐廳裝修整潔，食物非常有特色。首先嚟個招牌小食涼拌魚皮，依款嘢唔係度度有，仲要整得幾好食。跟住主廚推介食返隻肥美日本生蠔。蠔身飽滿鮮甜冇介紹錯。跟手再點一條黑池魚刺身，份量十足，鮮甜美味！魚骨同魚頭仲可以攞嚟涼瓜炆，冇諗過會咁野味！真係連啲骨都冇嘥。食到咁上下就點返個招牌蕃茄湯鍋，個湯鍋又多料又濃蕃茄味，淨係飲湯都覺得正。打邊爐食料最正我覺得係佢哋嘅手手切牛頸脊同埋手切本地肥牛，肉身鮮嫩而牛味濃郁。其他食材都好新鮮，食得出佢哋係好用心揀同埋做啲食材。嗰度啲酒水又唔貴我同朋友喺嗰度食咗5個鐘頭，過咗一個好愉快嘅晚上。有機會再約朋友嚟食飯吹水飲酒。