廿一前 (已結業)

好耐無打邊爐，終於同媽媽去左依間樓上新店食。食完之後一天又再實施限聚令了真好彩。餐廳環境乾淨，非常闊落大卡位坐得舒服。估唔到除了火鍋外，都有好多選擇，刺身、串燒、炸物、天婦羅、甜品都有。火鍋任食價錢 $238 我地二人一鍋揀左養生花膠雞湯(+$168)，湯底配料滿滿的，包括：花膠、雞、豆腐、冬菇、蕃茄、京葱、小棠菜。花膠大大條勁多食極都有，最後飲埋花膠雞湯滋補養生好正。店員先奉上一客海鮮拼盤，包括：聖子、墨魚、蝦、大蜆、廣島蠔，用冰陣住保持新鮮。再奉上豬、牛、雞各一盤，未出去拎野食已經可以烚啦。出面可直接自助取的配料甚多，青口、火腿、各類蔬菜及丸物、甜品都有。飲品都有好多款，我最愛的樂天石榴汁都有呀。刺身刺身選擇多，又係冰陣住，好新鮮甜美，回本有望。甜蝦、針魚片、鯛魚、榮螺片、八爪魚片、北寄貝、帶子、三文魚和希靈魚串燒有15款串燒，仲可揀醬燒、鹽燒和味噌燒，基本上點燒都咁好味。當中以卷物燒最吸引，醬燒肥牛金菇卷、鹽燒蔥段豚肉卷、鹽燒露筍腩肉卷，外層有肉汁之餘內裡爽口多份口感，食完又再encore。炸物只點了冬菇，食落有驚喜，炸粉鬆脆醮埋沾醬食非常好味。雪糕對該牌子不太熟悉，但味道唔錯軟