老鍋台式火鍋 (金馬倫道) (已結業)

我地一行18人，預先book好枱，雖然已經係安排咗一個房俾我地，可能無咁大張枱坐曬咁多人，所以就變咗一張大圓枱+一張4人枱，我地唔介意分開咁坐，只係2枱人要傾計就辛苦D姐😓湯底我地揀咗麻辣鍋、美人鍋、養生鍋，D湯好正好入味。食物叫咗好多嘢，有手切安格斯牛小排、手切牛肩肉、極品黑毛豬梅肉、嘉美農場雞肉、新鮮脆鯇片、墨丸、蝦丸、芝士牛肉丸、餃類拼盤、滑豆腐、凍豆腐、鮮炸響鈴、雜錦蔬菜盤、有機玉米、厚切日本山药、冰菜、羽衣甘蘭、鴨血、松葉蟹棒，全部都好好食好新鮮。飲品叫咗冲繩黑糖烏梅汁、杞子杭菊露，烏梅汁太甜，杭菊露甜度適中比較推薦。服務都唔錯，不時主動幫我地加湯、收碟。最後埋單6千幾，仲可以join member，下次再去食只要俾電話號碼就可以85折，正呀！