金沙角大牌檔 (已搬遷) 新店位置

尋晚想打邊爐 ! 七點去到新廣X , 爆到七彩...知道金沙角都有做任食火鍋 ! 即時轉場 !初去到時都有D唔鍾意 ! 因為冇人做野 ! 帶位果個帶完就行左去 , 完全唔問要咩湯底 !擺食物既地方又冇新廣X咁大堆頭 ! 諗住食一次算喇 ! 下次唔黎呢間 ! 但一出去攞食物時 , 見到佢地雖然好似冇咁多野食 ! 但係其實就同新廣X一樣乜都有 ! 而佢地有既新廣X又冇喎 ! 例如泥(蜢) , 螺 , 大大小小既蜆 , 鮮雞件 , 黑柏葉......我第一次打邊爐食泥(蜢)...好鮮甜 , 螺肉好重螺味( 我唔知叫咩螺 , 個殼(岩岩慘慘)既 ! )蜆我冇試 ! 但大果D蜆係類似食泰國野果D燒蜆既SIZE黎 ! 而佢地D瀨尿蝦同生蝦係養住响水度比您自己撈 ! 做得好過新廣X , 仲有D蟹有斬左件既或原隻既(又係養响水度架) !肥牛就冇咩特別架喇 ! 但D丸OK , 豬皮爽口 , 仲有類似牛根既野添 ! 仲有就係鱔片 ! 佢地就真係切片架 ! 新廣X就一碌碌既 ! 菜就有唐蒿 , 生菜 , 西洋菜 , 波菜 ! 食左大約一個鍾就到佢地全場爆滿 ! 不過人多都唔驚 , D食身REFILL得好快