炑八韓烤 (黃大仙中心南館)

營業中

休息中

今日好想食燒肉，所以黎到黃大仙中心嘅炑八。餐廳環境寬敞，抽風系統做得唔錯，入到去都無侷促同油煙味。燒肉店價錢仲好大眾化，平至幾十蚊就有個套餐。一坐低，侍應就自動送上韓色前菜。 泡菜、豆芽、醃蘿蔔、青瓜、薯仔沙律。爐邊芝士栗米同泡菜蛋係無限任添，好正。月見芝士和牛漢堡套餐 $58和牛漢堡採用咗日本牛肉，先將和牛漢堡煎至 自己鍾意嘅程度，將漢堡放上飯上面。之後將芝士放上面，再加上新鮮嘅蛋黃。漢堡啖啖肉，咬開肉汁豐富，加上半融化嘅芝士、蛋黃同醬汁，又令漢堡增添順滑口感。牛肋骨套餐 $208原條牛肋骨好吸精，因為長度有我手臂咁長。牛肋骨用上醬油醃製，將兩邊微微煎香，入口味道甜甜地，肉質柔軟，牛味濃郁且多肉汁，真係可以食多幾碗飯。推薦。加配咗3款燒肉，每款只係 $48蔥蒜雞腿肉 $48雞腿肉肉質嫰滑，配上蔥蒜，好食。蔥蒜牛五花 $48肉質雖然冇牛肋骨咁柔軟，但油花豐富，食落香口。豬肋肉 $48豬肋肉口感爽脆，燒肉仲可以包生菜食。手打鮮橙茶 $48士多啤梨果茶 $48夏日炎炎食燒肉，最啱飲顏色鮮豔嘅水果茶。用上新鮮水果制成，內裏大量果肉，酸酸甜甜好清新。