阪神

營業中

休息中

今日11點帶囝囝去新場試吓，囝囝話想食炒麵，咁就一於試吓豚肉炒麵。新場新開，要等得耐都是常識吧! 由於開放式廚房，當然見晒整個廚房嘅運，眼見個炒麵已炒好，但當加醬時，職員唔小心加左好多醬汁，之後另一個職員竟然用兜放左d用滾水，再將個麵倒落d水再過吓水。將個麵浸吓水，沖吓水。竟然過完水，再翻炒番俾我。整個過程我見到晒，佢仲好意思叫我食呢碟野。我唔出聲，佢都扮冇野照俾我，我一出聲，佢即刻話炒過碟俾我，係咁話唔好意思。講真，廚房嘅野眼不見為乾淨，但你個廚房咁open， 就醒少少啦！講真，一個麵值幾多錢呢？再重新炒一碟真係唔得? 好彩俾我睇到囉。但翻炒果碟麵，佢竟然照俾另一個不知情嘅客。所以呢間野，我話過唔會再幫襯。