影片
更多
2022-08-18
616 瀏覽
人生第一次為睇熊本部長踏入元朗國🎊睇完就直奔評價唔錯嘅大阪日本料理💛本來好晴個天話落雨就落雨，好彩我及時搵到沒點被淋濕🤣到店一點幾，店鋪細細間，拎到號碼稍等一陣就有位，我已經諗定嗌蒲燒鰻魚蛋飯定食，加20蚊有前菜，沙律，刺身，雖然減肥已經取得階段性勝利但我都繼續鰻魚少汁，沙律走醬，少飯🫣粟米蟹柳沙律走醬係相當清爽，前菜青瓜章魚腿？（sorry章魚墨魚我分唔到😅）個腿好彈牙，不過就有小小🤏鹹，刺身係三文魚、北寄貝、帶子各2片，全部都好新鮮，有少少甜味咁，都幾唔錯食。味噌湯有晒昆布豆腐蔥花係入邊，正常好飲😚主角蒲燒鰻魚蛋飯都好快上，鰻魚已經切成適合入口大小，大概有半條左右？偏瘦少少～🤏不過無細骨，燒得都幾有滋味，少汁我覺得啱啱好，炒蛋睇落普普通通但食落有驚喜喎，好滑好香，因為有洋蔥又帶少少甜，眾所週知鹹甜交織冇可能唔好食👍飯都軟硬適中有米香，雖然已經少飯但其實都幾多🤣蒲燒鰻魚蛋飯定食 7.0/9OVERALL 7.5/9店員都好後生好nice，隔籬枱嘅學生黎遲咗個麵吸晒啲湯😂店員見到主動問佢需唔需要加湯👍同埋又唔收加一喎，呢個價錢對得住食物質素同服務啦💛
到店一點幾，店鋪細細間，拎到號碼稍等一陣就有位，我已經諗定嗌蒲燒鰻魚蛋飯定食，加20蚊有前菜，沙律，刺身，雖然減肥已經取得階段性勝利但我都繼續鰻魚少汁，沙律走醬，少飯🫣
粟米蟹柳沙律走醬係相當清爽，前菜青瓜章魚腿？（sorry章魚墨魚我分唔到😅）個腿好彈牙，不過就有小小🤏鹹，刺身係三文魚、北寄貝、帶子各2片，全部都好新鮮，有少少甜味咁，都幾唔錯食。味噌湯有晒昆布豆腐蔥花係入邊，正常好飲😚
主角蒲燒鰻魚蛋飯都好快上，鰻魚已經切成適合入口大小，大概有半條左右？偏瘦少少～🤏不過無細骨，燒得都幾有滋味，少汁我覺得啱啱好，炒蛋睇落普普通通但食落有驚喜喎，好滑好香，因為有洋蔥又帶少少甜，眾所週知鹹甜交織冇可能唔好食👍飯都軟硬適中有米香，雖然已經少飯但其實都幾多🤣
蒲燒鰻魚蛋飯定食 7.0/9
OVERALL 7.5/9
店員都好後生好nice，隔籬枱嘅學生黎遲咗個麵吸晒啲湯😂店員見到主動問佢需唔需要加湯👍同埋又唔收加一喎，呢個價錢對得住食物質素同服務啦💛
25 瀏覽
0 讚好
0 留言
5 瀏覽
0 讚好
0 留言
5 瀏覽
0 讚好
0 留言
5 瀏覽
0 讚好
0 留言
張貼
